1st Day                                                                                                                                   Tue. 阴

                                                                                                                                               15th July
  前几日，吖妈同我講话想去北海玩，我就应承佐跟詎来，而今日就踏上佐呢趟旅程。好耐好耐都無同屋企人出去旅行喇，一家人出去玩好開心伽，淋翻起上次一家人去旅游，已经係6年前噶湖南游。目的地係北海，不过我地第一站唔係去北海，而係钦州。到佐钦州，我地转乘专车去到钦州港，呢嗰港口仲处于半開發阶段，我地想要噶野唔一定满足我地。坐佐一日长途车，拖住疲倦的身躯来到一间旅馆到落脚。冲完嗰凉我就陪吖娘落街四围行下，而老爹就係旅馆到睇电视同埋睇行李。落街感受下钦州港噶夜市，原来呢度都無咩特别噶嘢买，除佐果档之外就係烧烤档。D水果平到喊吖，平均价钱比广州低2-3倍吖。行过烧烤档，见到一串串卷住支竹签好似粉肠咁噶嘢，好鬼好奇，有D想食。后尾问过嗰档主，原来係猪鞭来伽，真係摞命，乜都有！
  坐係度吹住海风，好舒服。其实，自己有时间就多D陪下屋企人，毕竟衣加係培正，成嗰星期或以上都唔翻屋企，唔同以前日日都翻屋企食饭。不过，有时都要出去陪朋友仔玩下伽。

2nd Day                                                                                                                                   Wed. 雨

                                                                                                                                                16th July
  起身无几耐就落大雨，好无奈囖，边度都去唔到，唯有等停雨。憨居居咁等到下午，见無咩雨，一家人出去周围行，開头打算去三娘湾，就截停佐嗰司机来问。钦州港無Taxt，只有詎地当地人叫噶“咯咯鶏”，最多可以坐六嗰人，我地打烂沙盆问到笃，以为问到好路数，就上佐詎部车。去到先知道，俾条粉肠老点佐，昆佐我地去海边睇电厂，仲要收鬼Q咁贵噶车费，shit！之后，同老爹D朋友仲有屋企人去其他地方。到佐噶两个地方都玩唔成，计过条数，唔值！去龙门群岛，50蚊1嗰人，坐艇仔游2嗰半钟头船河，但落过雨水又浊，阴天景又唔靓，唔去；去睇嗰孙中山像，爬百几两百级楼梯上去睇两眼，拍下嗰箩柚就要落翻来，咁就1人10蚊，好过去抢喇，离远影佐几张相就走喇！
  晚黑同吖娘倾计，講佐好多老爹D陋习出来。原来老爹好难服侍，次次问亲詎有咩意见，詎都话“肆但，求奇，你地鐘意喇。”得到我地做佐决定后，詎就開始係度um.um.寻寻，烦s了。

3rd Day                                                                                                                                    Thur. 雨

                                                                                                                                                 17th July
  又係雨天，见到落雨我就烦喇。我同吖娘講，唔係好大雨，就去东兴玩，米留係钦州港到。东兴市，算係我哋噶第二站喇，詎位于越南边境噶一嗰城市，呢度嗰关口叫做东兴口岸。好多越南人学中文，目的就係係关口附近卖嘢，谋生。关口附近好多越南货买，特别係工艺品，无论原料同埋加工都係来自越南。今日，我真真正正见识到师奶技能噶强悍，睇住妈妈同人講价，睇到我呆佐。詎可以将一只50蚊噶玉戒指講到18蚊，再加多条講到同样18蚊噶珠链，找数噶时仲係俾佐35蚊嗰档主，强！逆住关口方向行，俾我哋稳到D更正噶嘢，樟木雕刻手工艺品，仲有嗰好别致噶木制噶水果篮。我好鐘意嗰水果篮，做工特别，係广州我又未见过，呢嗰係重点。成班人走佐去嗰市场到睇嘢，其实市场都体现嗰城市噶饮食文化。嗰市场好齐全，咩都有得买，海鲜又靓又新鲜，隔离就有食品加工档，想點食就點食。嗰市场仲有我最鐘意扫噶零食，好多越南出口货，令到我满载而归。
  时间好唔够，好快就话要走，仲有好多地方未行，好多野未睇，未买，未食。无办法，寄人篱下，人地亲戚揸车，唔出得声。打算係度住一晚都唔得，唯有跟詎地离开东兴。

4th Day                                                                                                                                     Fri. 阵雨

                                                                                                                                                18th July
  终于有一日噶朝头早係见到太阳，日日落雨真係顶詎唔顺。今日就係我要去噶主要城市--北海。我噶第三站，我的阳光与我的海滩。點知入到北海，嗰够云仲黑过镬底，又落雨，好唔方便。够乌云晏昼先散，very good!马上向北海银滩出發。去到先發觉，吖娘無同我摞条泳裤落詎嗰袋到，逼住我要係银滩到买。真係阿超着裤，焗住来。自从上次湛江玩完之后，都好耐未来过海滩玩喇。再次接触海滩，心情为之兴奋，即时向大海狂奔。真係如愿以偿吖，玩佐一阵间，我想要噶情景出现了，落雨！落住雨，刮住大风，掀起大浪，噶种feel好正，好爽，好自由，好似摆脱佐好多嘢咁，无拘无束。傍晚时分，正值涨潮，行去深水区到，睇住嗰大浪係我头顶到kum落来，好鬼过瘾。
  天色都唔早，係时候去医肚。更係去稳间最多海鲜品种噶食店到，拆餐劲嘎喇。

5th Day                                                                                                                                     Sat. 阵雨

                                                                                                                                                 19th July
  起身阳光普照，出门倾盆大雨。老爹话出佐来咁多日，要翻屋企睇下，而我同娘亲就继续留係广西玩。帮老窦执好晒嘢，就送詎去搭车。係北海到，最紧要係食到靓噶海鲜，我地又去市场睇下有咩靓海鲜买。行佐成粒鐘，见到好多我未见过噶魚，贝壳类海产比平时见到噶都要大。就摞我地买噶D带子来講，里面果粒肉仲大过只乒乓波，睇见口水都留晒出来。象拔蚌呢，我就食唔起喇，但係嗰size细D仲可以食到噶。呢餐虽然唔係好丰富吖，炒多碟菜已经食得好饱。食饱饱就淋住走去噶嗰唔知叫咩岭噶地方，问来问去都唔知嗰汽车站係边，干脆去另外一个海滩玩。来到侨港海滩先知道，呢度仲少人，仲大浪，仲好玩。呢嗰海滩旁边都係假日酒店，有钱人的地方。今日D浪都好劲下，搞到我都饮佐几啖海水，咸到苦，好摞命。
  可惜噶係無人陪我玩，得我自己一个係D浪到自娱自乐。本身淋住叫埋吖俊同我一齐来，但係詎又话要翻学，难得有机会同嗰好兄弟出来旅行，只好等下次。

6th Day                                                                                                                                      Sun. 晴

                                                                                                                                                  20th July
  留佐係北海已经两日喇，有得玩噶地方都去过晒。原本淋住去涠洲岛玩，因为资金不足，無去到。涠洲岛係值得一去噶，衣加只好改变计划，我地将行程转移到去南宁。订佐张1點几去南宁噶火车票，咁我就可以训晏D。不过，临时改变线路去南宁，都唔知噶度有咩好玩，去到问就係喇。搭住架無空调噶列车，毫无计划咁来到南宁，第一时间梗係稳地方落脚喇。天色渐暗，我同吖娘都要去稳野食。经过我一番查问，可以搭公交车去朝阳广场，詎地话噶度就係南宁市中心。南宁市越夜越热闹，兼且百货公司全部集中晒係同一嗰区域到，商业化味道极之浓厚。我地毕竟係来旅游，唔係来shopping。係度睇下有無咩特产买，行佐好耐都無發现，唯有係走。

7th Day                                                                                                                                       Mon. 晴

                                                                                                                                                   21st July
  今早起身有小小头痛，不过無咩大碍，唔影响我旅行噶心情。执好行李，去前台退房，顺便问当地人南宁有咩

好玩，同嗰大叔探讨佐好耐。结果，要去靓景噶地方就几十公里以外，近噶就係去D公园仔。原来南宁無旅游景点，今次真係白行一趟。再改多次路线喇，去凭祥市友谊关，係火车站度问退票要收20%手续费，太贵了。無退到张票，决定今晚翻广州。

Recommend
呢次旅行，觉得最值得去噶2个城市，东兴同埋北海。呢两个城市都有好丰富噶海产，而且价钱都好平。同钦州港齐名噶仲有两个港口，一嗰係防城港，另外一嗰係龙门港。防城港都值得一去，毕竟港口有更加大量噶海产，D品种多到你数唔晒，反正防城港隔离就係东兴市，點解唔顺便去埋呢？！东兴真係好多嘢买，海产，干货，水果，副食品等等，应有尽有。越南好多出口货走私过来东兴买，特别D木制工艺品，大量出售。北海噶银滩好多人，唔想同人逼，可以去侨港海滩，其实無乜分别，都係海滩姐。

相片正在处理中..........

            迟D放上来